Выступ Зянона Пазьняка на мітынгу паняволеных народаў ў Варшаве

21 ліпеня ў Варшаве адбыўся мітынг паняволеных расейскай імпэрыяй народаў. У акцыі прынялі ўдзел беларусы, бураты, чаркесы, чачэнцы, татары ды іншыя народнасьці былога СССР. Ад імя беларусаў прамовіў лідэр Нацыянальна-Вызвольнага Руху «Вольная Беларусь» Зянон Пазьняк. Кожны трэці тыдзень ліпеня ў дэмакратычных краінах праходзяць акцыі ў падтрымку народаў, якія церпяць ад каланіяльнай палітыкі буйных імпэрый. Тыдзень зьняволеных народаў адзначаецца з 1953 года. Арганізатарамі мітынгу ў Варшаве выступіла суполка «Акцыі беларусаў Варшавы».